Expediente: IN407A 2016/251-1.

Solicitante: Unión Fenosa Distribución, S.A.

Denominación: LMTS, CT avenida Casanova de Eirís-centro deportivo.

Concello: A Coruña.

Características técnicas:

Liña de media tensión subterránea, a 15 kV, cunha lonxitude de 0,246 km, coa orixe en empalmes que se van realizar na LMTS EIR-726, en punto de acceso á rede existente entre os CT Pablo Iglesias centro cívico (expediente 192/10) e o CT Ordes (expediente 45/96), condutor tipo RHZ1-2OL 12/20 kV 1×240 mm2 Al, e final na mesma liña unha vez entre e saia no novo centro de transformación centro deportivo (proxectado).

Centro de transformación non prefabricado, cunha potencia de 400 kVA e unha relación de transformación de 15.000/400-230 V.

Lexislación de aplicación:

– Lei 24/2013, do 26 de decembro, do sector eléctrico (BOE núm. 310, do 27 de decembro).

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 1 de decembro).

– Resolución do 19 de febreiro de 2014 pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).

Todas aquelas persoas ou entidades que se consideren afectadas poderán examinar o expediente e presentar alegacións na Xefatura Territorial de Economía e Industria, sita na rúa Vicente Ferrer, 2-2ª planta, 15071 A Coruña, no prazo de vinte días, a partir do día seguinte ao da última publicación desta resolución.

A Coruña, 28 de marzo de 2016

Isidoro Martínez Arca
Xefe territorial da Coruña