Matomba Mink Farm, S.L. solicitou nesta alcaldía licenza municipal para a ampliación, reforma e legalización de instalacións en explotación de cría de visóns no lugar de Menlle de Abaixo, parroquia de Troitosende. En cumprimento do Decreto 133/2008, do 12 de xuño, polo que se regula a avaliación de incidencia ambiental, sométese a información pública polo período de vinte días hábiles, que comezarán a contarse desde o día seguinte ao da inserción do presente edicto no BOP e no DOG, coa finalidade de que durante este poidan examinar o expediente, na Secretaría deste concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que xulguen oportunas.

A Baña, 24 de febreiro de 2016

José Andrés García Cardeso
Alcalde