A sociedade Norvento, S.L. formulou a solicitude de declaración de utilidade pública para o parque eólico Cadeira, promovido pola dita sociedade nos concellos de Trabada, Riotorto, A Pontenova, Lourenzá e Mondoñedo.

De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), mediante este anuncio emprázanse os interesados que figuran no anexo para seren notificados por comparecencia, por seren estes descoñecidos ou por non ter sido posible practicar a notificación prevista na citada norma, logo dos intentos efectuados.

As persoas interesadas ou os seus representantes legais deberán comparecer no prazo de dez (10) días hábiles, contados desde o seguinte ao da publicación deste anuncio, na sede da Dirección Xeral de Enerxía e Minas, situada no Edificio Administrativo San Caetano, s/n, bloque 5, andar 4º, Santiago de Compostela, das 9.00 ás 14.00 horas, de luns a venres.

Transcorrido o prazo indicado no parágrafo anterior sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

A eficacia deste anuncio queda supeditada á súa publicación no taboleiro de edictos único (TEU) do Boletín Oficial del Estado.

Santiago de Compostela, 9 de marzo de 2016

Ángel Bernardo Tahoces
Director xeral de Enerxía e Minas

ANEXO

Predio do proxecto nº	Polígono	Parcela/s	Concello	Interesado	Acto que se notifica
1	1	3076	Riotorto	Descoñecido	Solicitude de utilidade pública
2	1	3075	Riotorto	Descoñecido	Solicitude de utilidade pública
3	1	3011	Riotorto	Descoñecido	Solicitude de utilidade pública