Tipo e número de recurso: RSU recurso de suplicación 5312/2014 PM

Xulgado de orixe/autos: seguridade social 175/2014, Xulgado do Social número 1 de Ferrol

Recorrentes: Asepeyo, Mutua de A.T. y E.P. de la Seguridad Social número 151

Avogado: Javier Balo Couto

Recorridos: Instituto Nacional da Seguridade Social, Tesouraría Xeral da Seguridade Social, Manuel Vizoso Grandal, Construcciones Caspra, S.L.

Avogado: Manuel Casal Fraga

Procurador: José Antonio Castro Bugallo

Eu, M. Asunción Barrio Calle, letrada da Administración de xustiza da Sección Primeira da Sala do Social do Tribunal Superior de Xustiza de Galicia, fago saber que no procedemento de recurso de suplicación 5312/2014 desta sección, seguido por instancia de Asepeyo, Mutua de A.T. y E.P. de la Seguridad Social número 151 contra a empresa Construcciones Caspra, S.L., sobre accidente de grao, ditouse resolución, cuxa parte dispositiva é a seguinte:

«Que aclaramos a sentenza ditada por esta sala, no recurso de suplicación número 5312/2014, no sentido de que, no antecedente terceiro, a resolución quedará redactada no seguinte teor literal:

Fallo que debo estimar e estimo a demanda presentada por Manuel Vizoso Grandal contra as entidades xestoras Instituto Nacional da Seguridade Social e a Tesouraría Xeral da Seguridade Social (tamén INSS e TXSS), a compañía aseguradora Asepeyo e a empresa Construcciones Caspra, S.L. e, en consecuencia, debo declarar e declaro que o demandante se encontra afecto dunha situación de incapacidade permanente en grao de absoluta por accidente de traballo (cuxa cobertura está a cargo da compañía Asepeyo), con dereito a pensión mensual na contía correspondente ao 100 % da súa base reguladora de 1.485,25 euros, 14 veces ao ano, e condeno ao INSS a aboarlla cos aumentos, melloras e revalorizacións e efectos iniciais de remuneración desde o 27 de novembro de 2013 (27 de novembro de 2013), con cargo ao capital da TXSS e que a Mutua Asepeyo deberá ingresar na conta da TXSS. Todo iso sen prexuízo da responsabilidade inherente que esta declaración puidese alcanzar a empresa Construcciones Caspra, S.L., en caso de falta ou defecto na cotización.

O 6 de xuño de 2014 dítase auto aclaratorio en cuxa parte dispositiva di:

Que debo estimar e estimo a demanda presentada por Manuel Vizoso Grandal contra as entidades xestoras Instituto Nacional da Seguridade Social e a Tesouraría Xeral da Seguridade Social (tamén INSS e TXSS), a compañía aseguradora Asepeyo e a empresa Construcciones Caspra, S.L. e, en consecuencia, debo declarar e declaro que o demandante se encontra afecto dunha situación de incapacidade permanente en grao de absoluta por accidente de traballo (cuxa cobertura está a cargo da compañía Asepeyo), con dereito a pensión mensual na contía correspondente ao 100 % da súa base reguladora de 1.485,25 euros, 12 veces ao ano, e condeno ao INSS a aboarlla cos aumentos, melloras e revalorizacións e efectos iniciais de remuneración desde o 27 de novembro de 2013 (27 de novembro de 2013), con cargo ao capital da TXSS e que a Mutua Asepeyo deberá ingresar na conta da TXSS. Todo iso sen prexuízo da responsabilidade inherente que esta declaración puidese alcanzar a empresa Construcciones Caspra, S.L., en caso de falta ou defecto na cotización.

Notifíquese ás partes e advírtaselles que contra esta resolución non cabe recurso ningún. Non obstante o dito no parágrafo anterior, en canto debe entenderse que este auto se integra na resolución a que aclara, corrixe, emenda ou complementa, o prazo para interpoñer o recurso que caiba contra a devandita resolución continúase a partir do momento en que as partes sexan notificadas deste auto. Se algunha das partes interesadas nestas actuacións tiver xa presentado, preparado ou anunciado o pertinente recurso contra a resolución aclarada, corrixida, emendada ou complementada, a súa actuación repútase válida para todos os efectos, sen prexuízo de que, á vista deste auto, poida completala no prazo que con el se abre.

Así, por este noso auto, pronunciámolo, mandámolo e asinámolo».

E para que sirva de notificación en legal forma a Construcciones Caspra, S.L., en ignorado paradoiro, expido a presente para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 7 de marzo de 2016

A letrada