O Pleno municipal, na sesión que tivo lugar o 11 de febreiro de 2016, acordou aprobar inicialmente o documento da modificación puntual do Plan xeral de ordenación municipal da Coruña, PXOM 2013, para a incorporación ao catálogo dos elementos do patrimonio cultural, Camiño de Santiago Inglés e elemento arqueolóxico na rúa Casanova de Eirís - avenida dos Caídos, redactado polos técnicos municipais en xaneiro 2016, expediente 631/2014/247.
En cumprimento do artigo 85.2 da Lei 9/2002, do 30 de decembro, de ordenación urbanística e protección do medio rural de Galicia, o expediente sométese a información pública polo prazo de dous meses, contado desde o día seguinte ao da última publicación deste anuncio no DOG ou na prensa local, para que calquera interesado poida consultalo e formular, de ser o caso, as alegacións que considere oportunas.
A documentación da modificación pode consultarse no Departamento de Planeamento da Área de Rexeneración Urbana e Dereito á Vivenda (praza Indalecio Prieto, 1-3) en horario laboral, de luns a venres, ou na web do concello: www.coruna.es/urbanismo, na epígrafe Exposición pública de expedientes.
A Coruña, 15 de febreiro de 2016
P.D. (Decreto do 15.12.2015)
Jorge Juan Cao Abad
Director de apoio á Área de Rexeneración Urbana e Vivenda