Para os efectos previstos na Lei 24/2013, do 26 de decembro (BOE núm. 310), e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Concello de Bergondo.
Domicilio social: estrada da Coruña, 12, 15167 Bergondo.
Denominación: modificado do proxecto LMTA, CS e CT de 250 kVA para EDAR de Gandarío.
Situación: lugar de Gandarío, s/n.
Características técnicas: LMTS de 790 m de lonxitude (ida e retorno). Tensión de servizo: 15 kV, condutor tipo RHZ1-2OL 12/20 kV 3×(1×240) Al, soterrrado baixo tubo. Centro de transformación en caseta prefabricada de 250 kVA, relación de transformación 15 kV/400 V, cela de liña (CGMCOSMOS-L), cela de proteción (CGMCOSMOS-P), secionamento compañía (CGMCOSMOS-S) e cela de medida (CGMCOSMOS-M). Trafo de aceite, conexión Dyn11.
Todas aquelas persoas ou entidades que se consideren afectadas poderán examinar o proxecto e/ou presentar as súas alegacións nesta xefatura territorial, situada no Edificio Administrativo de Monelos, rúa Vicente Ferrer, 2, 1º andar, 15071 A Coruña, no prazo de vinte (20) días, contados a partir do día seguinte á publicación, artigos 48 e 86 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
A Coruña, 18 de febreiro de 2016
Isidoro Martínez Arca
Xefe territorial da Coruña