O Pleno da corporación municipal, na sesión ordinaria do 27 de xaneiro de 2016, aprobou definitivamente o Plan parcial SUR PCR-1 do Concello do Porriño, acordo que ten o seguinte contido literal:
«1º. Aprobar definitivamente o Plan parcial do SUR PCR-1 redactado polo arquitecto Marcos Fernández Álvarez Santullano e promovido pola Comunidade de Herdeiros de José Ramón Fontán González.
2º. Publicar o acordo de aprobación definitiva no DOG e a normativa e ordenanzas no Boletín Oficial da provincia, por aplicación do artigo 92 da Lei 9/2002, de ordenación urbanística de Galicia.
3º. Dar traslado á COTOP dunha copia autenticada do expediente administrativo completo e de dous exemplares do instrumento aprobado definitivamente con todos os planos que integran o plan sobre os que recae este acordo, debidamente dilixenciados polo secretario do concello».
En cumprimento do disposto no artigo 92 da Lei 9/2002, do 30 de decembro, de ordenación urbanística e protección do medio rural de Galicia, publicáronse as ordenanzas reguladoras do Plan parcial SUR PCR-1 no Boletín Oficial da provincia de Pontevedra do 16.2.2016 (BOPPO núm. 31) e foron remitidos dous exemplares dilixenciados e copia do expediente do Plan parcial do polígono SUR PCR-1 á Consellería de Política Territorial, Obras Públicas e Urbanismo da Xunta de Galicia do 11.2.2016 (entrada 207/RX357188).
O que se fai público para o xeral coñecemento.
O Porriño, 17 de febreiro de 2016
Eva García de la Torre
Alcaldesa