Para os efectos previstos no artigo 15 do Real decreto 815/2013, do 18 de outubro, polo que se aproba o Regulamento de emisións industriais e desenvolvemento da Lei 16/2002, do 1 de xullo, de prevención e control integrados da contaminación (BOE núm. 251, do 19 de outubro), faise público que polo prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, quedará exposta a seguinte documentación:
– «Solicitude de modificación substancial AAI».
Co fin de que calquera interesado poida consultala e, de ser o caso, formular no dito prazo as alegacións, suxestións ou observacións que xulgue convenientes, o citado documento estará á disposición dos administrados, en horario de atención ao público, nas seguintes dependencias:
– Secretaría Xeral de Calidade e Avaliación Ambiental-Servizo de Prevención e Control Integrados da Contaminación (r/ San Lázaro, s/n, 15781 Santiago de Compostela).
Ademais, poderán consultalos na páxina web da Consellería de Medio Ambiente e Ordenación do Territorio (http://www.cmati.xunta.es/>>medio ambiente e sostibilidade>> prevención e control de actividades>>autorización ambiental integrada>>proxectos en información pública).
Santiago de Compostela, 15 de febreiro de 2016
Justo de Benito Basanta
Secretario xeral de Calidade e Avaliación Ambiental
ANEXOI
Memoria resumo
Clave do expediente: 2016-IPPC-M-3.
Peticionario: Hijos de Rivera, S.A.U.
Domicilio social: rúa José María Rivera Corral, 6, polígono A Grela-Bens, 15008 (A Coruña).
Localización da instalación: rúa José María Rivera Corral, 6, polígono A Grela-Bens, 15008 (A Coruña).
Actividade: a modificación proposta consiste nunha ampliación da capacidade de produción, duplicando, aproximadamente, a produción actual con modificacións nas instalacións con novos tanques de fermentación, tanques novos na adega de garda, ampliación dunha nova liña de cocemento, variación nos almacéns, etc.
O incremento da produción en máis dun 50 % da súa capacidade vai supor un aumento de máis dun 50 % do consumo de auga, materias primas e enerxía.
Tamén vai supor un incremento dos caudais vertidos á rede de saneamento municipal e dos caudais emitidos á atmosfera. Veranse incrementadas, consecuentemente, as cargas másicas de saída tanto á rede de saneamento como ao aire.
Prevese tamén un incremento na xeración de residuos tanto perigosos coma non perigosos.