A Xunta de Goberno Local, en sesión ordinaria que tivo lugar o día 20 de xaneiro de 2016, aprobou inicialmente, polo procedemento de taxación conxunta, o proxecto de expropiación forzosa das parcelas catastrais 31 (parcial) e 53 do polígono 86, as cales están situadas dentro do sector Lugo S-5.R, para a posta á disposición a favor da Consellería de Cultura, Educación e Ordenación Universitaria, para a construción por parte desta última dun novo CEIP no Sagrado Corazón, cos seguintes documentos que regulamentariamente o integran:
a) Determinación do ámbito territorial.
b) Fixación de prezos coa clasificación razoada do solo.
c) Follas de prezo xusto individualizadas de cada parcela.
A superficie para expropiar é de 1.269 m2. A valoración total ascende á cantidade de 26.203,44 €, segundo a relación de propietarios afectados que a seguir se detalla:
Parcela |
Propiedade |
Superficie |
Valoración |
31 |
Comercio, Transportes y Auxiliares, S.L. B15032428 Estrada N-VI, p.q. 589,2, Guísamo-Bergondo (A Coruña) |
306 m2 |
4.768,09 € |
53 |
Manuel Durán Villaverde 25 % 33774369-L Sara Díaz Gómez 25 % 33816365-V Francisco Díaz Gómez 50 % 76551362-S Rúa Nogueira, 5, 27003 Lugo |
963 m2 |
21.435,35 € |
En cumprimento do disposto no artigo 143.2 da Lei 9/2002, do 30 de decembro, de ordenación urbanística e protección do medio rural de Galicia, o proxecto de expropiación, xunto cos documentos que se sinalan, sométese a exposición pública durante o prazo dun mes, durante o cal os interesados poderán examinar o expediente no Servizo de Urbanismo, na oficina de Xestión Urbanística, primeiro andar do edificio sito na rolda da Muralla, 197 (antigo Seminario), así como presentar as alegacións, reclamacións ou suxestións que desexen, mediante escrito dirixido á Alcaldía.
Así mesmo, publícase para os efectos de legal notificación a aqueles afectados que poidan resultar descoñecidos, en virtude do previsto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común.
Lugo, 10 de febreiro de 2016
P.D. (Decreto 15005366)
Xosé Daniel Piñeiro Villares
Tenente de alcalde delegado da Área de Goberno
de Desenvolvemento Sostible e Persoal