O proxecto de innivación artificial na estación de esquí de Manzaneda está suxeito ao procedemento de avaliación de impacto ambiental ordinario, segundo a Lei 21/2013, do 9 de decembro, de avaliación ambiental (BOE núm. 296, do 11 de decembro).
Conforme o artigo 36 da dita Lei 21/2013, sométese a información pública o estudo de impacto ambiental e o proxecto da innivación artificial na estación de esquí de Manzaneda durante trinta días, que comezarán a contar a partir do día seguinte ao da publicación deste anuncio.
Durante este período calquera persoa interesada poderá consultar a documentación e, de ser o caso, formular as alegacións, suxestións e/ou observacións que considere convenientes ante a Secretaría Xeral de Calidade e Avaliación Ambiental.
Os documentos poderán examinarse nos seguintes lugares:
– A Secretaría Xeral de Calidade e Avaliación Ambiental, con enderezo en Santiago de Compostela, San Lázaro, s/n, planta baixa, de luns a venres das 9.00 ás 14.00 horas.
– A Xefatura Territorial de Ourense da Consellería de Medio Ambiente e Ordenación do Territorio (Servizo de Calidade e Avaliación Ambiental), con enderezo en Ourense, r/ Paseo, 18, de luns a venres das 9.00 ás 14.00.
– A seguinte ligazón:
http://www.cmati.xunta.es/seccion-tema/c/Avaliacion_ambiental?content=SX_Calidade_Avaliacion_Ambiental%2FAvaliacion_impacto_ambiental_proxectos%2FSeccion_AIA.html&ui=SX_Calidade_Avaliacion_Ambiental%2FAvaliacion_proxectos%2Fdinamico%2Flistado_proxecto_aap_central.html&sub=Participacion_publica%2F&clase=Xestion%2FProxecto_aap%2FTipo_proxecto%2FIP_AIA_ordinaria%2F
Santiago de Compostela, 15 de febreiro de 2016
Justo de Benito Basanta
Secretario xeral de calidade e Avaliación Ambiental
ANEXO
Expediente: 2014/0135.
Solicitante: Meisa (Oca Nova Manzaneda).
Denominación: innivación artificial na estación de esquí de Manzaneda.
Concellos: Manzaneda e A Pobra de Trives (Ourense).