No Xulgado do Contencioso-Administrativo número 1 de Santiago de Compostela tramítase o recurso 22/2016 (procedemento abreviado), interposto por José Carlos López Corral contra a desestimación presunta, por silencio administrativo, do recurso interposto fronte ao acordo do Pleno do Consello Consultivo de Galicia do 10 de setembro de 2015, polo que se acordou suspender o aboamento do complemento de produtividade ao persoal funcionario do Consello Consultivo de Galicia, e contra o acordo do Pleno do Consello Consultivo de Galicia do 18 de novembro de 2015, polo que se acordou manter a suspensión do aboamento do referido complemento namentres non se aproben uns criterios de asignación daquel complemento consonte a normativa vixente.

O recorrente insta a anulación dos actos impugnados, a restitución na nómina do complemento de produtividade e o aboamento dos atrasos xerados, cos xuros de demora correspondentes.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 23 de febreiro de 2016

José Luis Costa Pillado
Presidente do Consello Consultivo de Galicia