Resolución da Consellería de Medio Ambiente e Ordenación do Territorio, do 31 de decembro de 2015, pola que se encarga ao medio propio Fundación Centro Tecnolóxico do Mar (Fundación Cetmar) o servizo de mantemento da rede océano-meteorolóxica de Galicia.

– Actividade: a execución do servizo de mantemento da rede oceano-meteorolóxica de Galicia, de conformidade cos requirimentos técnicos e administrativos que figuran no texto da encomenda.

– Natureza e alcance da xestión encomendada: esta encomenda ten natureza intersubxectiva, ao ter a Fundación Cetmar a consideración de medio instrumental da Administración, segundo o disposto na Lei 16/2010, do 17 de decembro, de organización e funcionamento da Administración xeral do sector público autonómico.

– Prazo de vixencia: o período de execución comeza o 1 de xaneiro de 2016 e remata o 31 de decembro de 2016.

– Tipo de expediente: anticipado de gasto. A súa eficacia queda sometida á condición suspensiva de existencia de crédito adecuado e suficiente para financiar as obrigas derivadas desta, de conformidade co establecido na Orde da Consellería de Economía e Facenda, do 11 de febreiro de 1998, sobre tramitación anticipada de expedientes de gasto, modificada polas ordes da Consellería de Economía e Facenda, do 27 de novembro de 2000 e do 25 de outubro de 2001.

Santiago de Compostela, 11 de febreiro de 2016

Beatriz Mato Otero
Conselleira de Medio Ambiente e Ordenación do Territorio