Por Orde desta consellería do 16 de decembro de 2015 (DOG nº 1, do 4 de xaneiro de 2016) convocouse a provisión, polo sistema de libre designación, de postos directivos na estrutura organizativa de Xestión Integrada de Vigo.

De conformidade co establecido no artigo 59 do Decreto 206/2005, do 22 de xullo, de provisión de prazas de persoal estatutario do Servizo Galego de Saúde, e en exercicio das competencias que ten atribuídas esta consellería,

DISPOÑO:

Primeiro. Resolver a convocatoria pública efectuada por Orde desta consellería do 16 de decembro de 2015 (DOG nº 1, do 4 de xaneiro de 2016) para os efectos previstos no número 2 do artigo 59 do Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde.

Segundo. Seleccionar e nomear, para o desempeño dos postos que se indican, as persoas que figuran no anexo I desta orde.

Terceiro. Seleccionar, para o desempeño do posto que se indica, a persoa que figura no anexo II desta orde, para os efectos de que se proceda á súa vinculación mediante contrato laboral de alta dirección.

Cuarto. Contra esta orde, que pon fin á vía administrativa, poderá interpoñerse recurso potestativo de reposición ante este mesmo órgano, no prazo dun mes contado a partir do día seguinte ao da súa publicación, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, ou directamente recurso contencioso-administrativo, no prazo de dous meses contados desde a mesma data, ante o xulgado do contencioso-administrativo competente, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 11 de febreiro de 2016

Jesús Vázquez Almuíña
Conselleiro de Sanidade

ANEXO I

Posto: director/a de Procesos Asistenciais.

Nome e apelidos: Julio García Comesaña.

DNI (*): *****135Q.

Posto: director/a de Procesos de Soporte.

Nome e apelidos: Francisco Javier Puente Prieto.

DNI (*): *****006E.

Posto: subdirector/a de Procesos Asistenciais da Área Médica.

Nome e apelidos: Elena Lorenzo Llauger.

DNI (*): *****485G.

Posto: director/a de Recursos Humanos.

Nome e apelidos: Ana María Comesaña Álvarez.

DNI (*): *****939M.

ANEXO II

Posto: director/a de Procesos sen Ingreso e Urxencias.

Nome e apelidos: María Holanda Rodríguez Vázquez.

DNI (*): *****014V.

* Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 15/1999, do 13 de decembro.