Aprobado inicialmente, polo acordo do Pleno do 16 de decembro de 2015, o proxecto de modificación puntual do Plan xeral de ordenación municipal no ámbito do polígono industrial David Ferrer Garrido e das normas subsidiarias do plan xeral, de conformidade cos artigos 85.2 e 93.4 da Lei 9/2002, do 30 de decembro, de ordenación urbanística e protección do medio rural de Galicia, sométese a información pública polo prazo de dous meses contados desde o día seguinte ao da publicación do presente anuncio no Diario Oficial de Galicia.

Durante o dito prazo poderá ser examinado por calquera interesado nas dependencias municipais para que se formulen as alegacións que se consideren pertinentes.

Non se suspende o outorgamento de licenzas no ámbito do polígono industrial David Ferrer Garrido por terse acordado unha suspensión de licenzas no ano 2012 e non ter transcorrido o prazo de 4 anos sinalado no artigo 77.4 da Lei 9/2002, do 30 de decembro, de ordenación urbanística e protección do medio rural de Galicia.

San Cibrao das Viñas, 25 de xaneiro de 2016

Manuel Pedro Fernández Moreiras
Alcalde