Tras intentar a notificación persoal e ser devolta polo servizo de Correos por resultar imposible a súa práctica, de conformidade co artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, mediante esta cédula notifícaselle á empresa que a continuación se relaciona a execución da sanción imposta no expediente sancionador SXMEDIOS 2/2014 nos termos que a continuación se especifican.
Expediente: SXMEDIOS 2/2014.
Denunciada: Ártabra Gestora de Medios, S.L.
NIF: B70292016.
Último enderezo de notificación: rúa Cardenal Cisneros, 36-38, Santa Cecilia, Narón (A Coruña).
Precepto infrinxido: artigo 57.6 da Lei 7/2010, xeral de comunicación audiovisual.
Sanción imposta: 100.001 euros, cesamento de emisións e precintaxe provisional dos equipamentos e instalacións utilizados para a emisión.
Sanción que se vai executar: precintaxe provisional dos equipamentos e instalacións utilizados para a emisión.
Lugar de comparecencia: instalacións situadas no monte Neme, concello de Carballo (A Coruña).
Data e hora de comparecencia: 24 de febreiro de 2016 ás 10.00 horas.
Órgano de tramitación: Secretaría Xeral de Medios. Subdirección Xeral de Enxeñaría e Planificación de Radio, Televisión e Multimedia.
Santiago de Compostela, 13 de xaneiro de 2016
Mar Sánchez Sierra
Secretaria xeral de Medios