Para os efectos de darlle cumprimento ao solicitado polo Xulgado do Contencioso-Administrativo número 1 de Ferrol, en relación co procedemento ordinario número 348/2015, interposto por José Manuel Rey Trasancos e José Antonio Rodríguez Breijo contra a Resolución do 28.5.2015, ditada pola Axencia de Protección da Legalidade Urbanística, no expediente de reposición da legalidade urbanística número COR/185/2014-RP1, pola que declara ilegalizables as obras executadas en solo rústico, sen autorización urbanística autonómica, sitas no lugar do Carballo, parroquia de Sismundi, concello de Cariño, esta dirección resolveu ordenar a remisión do correspondente expediente ao Xulgado do Contencioso-Administrativo número 1 de Ferrol.

Ao non poder realizarse a notificación persoal dos emprazamentos, mediante a presente cédula, que, ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), se lle notifica por medio dun anuncio publicado no Boletín Oficial del Estado, emprázase a José Quiza Bouza para que poida comparecer como interesado nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 11 de xaneiro de 2016

José Antonio Cerdeira Pérez
Director da Axencia de Protección da Legalidade Urbanística