Expediente: IN407A 2005/258-1.
Solicitante: Ferroatlántica, S.L.
Denominación: subestación a 220 kV Santa Uxía.
Concello: Dumbría (Ézaro).
Características técnicas:
Reforma da subestación de 66 kV da central de Santa Uxía para dotala dun transformador 220/66 kV de 175 mVA e una posición de 220 kV, sendo as actuacións máis significativas as seguintes:
– Paso aéreo-soterrado con autoválvulas á salida da actual posición de liña de Xestosa en 66 kV.
– Transformador trifásico de potencia nominal 175 mVA (OFAF) e relación de transformación 220/66 kV.
– Subestación GIS 220 kV compacto baixo unha envolvente metálica conectada a terra, con illamento de gas SF6 presurizado. Incorpora as funcións de seccionador de posta a terra rápido, seccionador de illamento con posta a terra, interruptor automático, transformador de medida (intensidade e tensión) e descargadores de sobretensión.
– Liña soterrada de 170 m, 220 kV, en condutor RHZ1-RA+2OL (AS) 127/220 1×630 AI2 H250 para a conexión coa liña aérea existente de Xestosa a través dun PAS.
– Instalacións auxiliares, obra civil, adecuación da nave, protección contra incendios, proteccións e control, etc.
Lexislación de aplicación:
– Lei 24/2013, do 26 de decembro, do sector eléctrico (BOE núm. 310, do 27 de decembro).
– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 1 de decembro).
– Resolución do 19 de febreiro de 2014 pola que se aproba o procedemento de autorización administrativa de construción de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).
Todas aquelas persoas ou entidades que se consideren afectadas poderán examinar o expediente e presentar alegacións na Xefatura Territorial da Consellería de Economía, Emprego e Industria, sita na rúa Vicente Ferrer, 2-2ª planta, 15071 A Coruña, no prazo de vinte días a partir do día seguinte ao da última publicación desta resolución.
A Coruña, 23 de decembro de 2015
Isidoro Martínez Arca
Xefe territorial da Coruña