De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada parcialmente pola Lei 4/1999, do 13 de xaneiro, notifícase ao interesado que se sinala no anexo deste anuncio a iniciación do expediente de caducidade da autorización de aproveitamento de recursos da sección A) Figueiredo nº 193, xa que, intentada a notificación polos medios legalmente establecidos, non se puido efectuar.

A eficacia do acto queda supeditada á súa publicación no taboleiro de edictos único do Boletín Oficial del Estado (TEU do BOE) polo que o prazo para presentar alegacións se computará desde esa publicación.

Así mesmo, infórmase o interesado de que o expediente se atopa á súa disposición nas dependencias da Xefatura Territorial de Economía, Emprego e Industria de Lugo (rolda da Muralla, 70, soto 2, Servizo de Enerxía e Minas), xa que, segundo os artigos 78 e seguintes da Lei 30/1992, do 26 de novembro, poderán achegar no prazo de dez días cantas alegacións, documentos ou informacións coiden pertinentes.

Lugo, 29 de decembro de 2015

Pilar Fernández López
Xefa territorial de Lugo

ANEXO

Expediente: Figueiredo nº 193.

Interesado: Manuel García Fernández.

Acto de notificación: acordo de iniciación.

Último domicilio coñecido: A Rochela-A Devesa, 27726 Ribadeo.