1. Entidade adxudicadora:
a) Organismo: Consellería do Medio Rural.
b) Dependencia que tramita o expediente: Servizo de Contratación.
2. Obxecto do contrato:
a) Tipo: contrato administrativo de subministración.
b) Descrición do obxecto: subministración sucesiva por prezos unitarios, mediante acordo marco cun único empresario, de chaqueta e pantalón ignífugos para as brigadas do Servizo de Prevención e Defensa contra Incendios Forestais da Xunta de Galicia, ano 2016.
c) División por lotes e número: non.
d) Prazo de execución/entrega: o prazo de entrega será de 60 días desde o día seguinte á sinatura do contrato.
O prazo de execución do acordo marco é ata o 31 de decembro de 2016.
e) Admisión de prórroga: non.
f) CPV: 35113400-3.
3. Tramitación e procedemento de adxudicación: ordinaria e anticipada de gasto; aberto e non suxeito a regulación harmonizada.
4. Criterios de adxudicación: recollidos no prego de cláusulas administrativas particulares (automáticos).
5. Orzamento de licitación:
Importe neto: 187.000,00 €. IVE (21 %): 39.270,00 €. Importe total: 226.270,00 €.
Valor estimado: 205.700 € (incluídas posibles modificacións).
6. Financiamento: fondos propios libres.
7. Requisitos específicos do contratista:
Solvencia económica e financeira e solvencia técnica e profesional: segundo o disposto nas letras H e I da folla de especificacións.
8. Garantía exixida. Definitiva: 5 % do orzamento de licitación (IVE excluído): 9.350,00 €.
9. Obtención de documentación e información:
a) Entidade: Secretaría Xeral Técnica da Consellería do Medio Rural. Servizo de Contratación.
b) Domicilio: Edificio Administrativo posterior dereito de San Caetano, nº 4, 1º andar, 15781 Santiago de Compostela.
c) Teléfonos: 981 54 57 37 e 981 59 93 88 (consultas administrativas); 981 54 60 56 (consultas técnicas).
d) Telefax: 981 54 40 47.
e) Enderezo electrónico: licitacion.mediorural@xunta.es
f) Data límite de obtención de documentos e información: ata a data límite de presentación das ofertas, todos os días laborables, excepto sábados, das 9.00 ás 14.00 horas.
Tamén se poderán obter os pregos relativos a esta contratación a través da internet no enderezo http://www.contratosdegalicia.es/resultado.jsp?N=23814
10. Presentación das ofertas:
a) Data límite de presentación: o prazo de presentación das ofertas empezará o día seguinte ao da publicación deste anuncio no Diario Oficial de Galicia e finalizará aos quince (15) días naturais, a non ser que o último día sexa inhábil, caso en que se prorrogará o prazo ao primeiro día hábil seguinte.
b) Documentación necesaria: a indicada no prego de cláusulas administrativas particulares.
c) Lugar de presentación: o único rexistro válido será a oficina de Rexistro Único e Información da Xunta de Galicia (Edificio Administrativo San Caetano, s/n, 15781 Santiago de Compostela) e poderase enviar por correo dentro do prazo de admisión sinalado a este rexistro único. Cando a oferta se envíe por correo certificado dentro do prazo de admisión, o licitador deberá xustificar a data de imposición do envío na oficina de Correos e anunciar a súa remisión ao órgano de contratación no mesmo día, mediante telegrama, burofax ou fax (981 54 40 47) ou ben ao enderezo de correo electrónico.
d) Prazo durante o que o licitador estará obrigado a manter a súa oferta: dous (2) meses contados desde a data de apertura das proposicións.
11. Apertura das ofertas:
a) Enderezo: sala de xuntas da Secretaría Xeral Técnica da Consellería do Medio Rural.
b) Localidade e código postal: Santiago de Compostela, 15781.
c) Datas e horas: a apertura dos sobres B terá lugar, en acto público, as 12.00 horas do décimo día hábil seguinte ao da finalización do prazo de presentación das ofertas, a non ser que fose sábado, caso en que se prorrogará o prazo ao primeiro día hábil seguinte.
12. Gastos de publicidade: serán por conta do/s adxudicatario/s.
Santiago de Compostela, 18 de decembro de 2015
P.D. (Orde do 17.11.2015; DOG nº 223, do 23 de novembro)
Mª del Carmen Bouso Montero
Secretaria xeral técnica da Consellería do Medio Rural
