1. Entidade adxudicadora:

Organismo: Axencia Turismo de Galicia.

Dependencia que tramita o expediente: Xerencia da Axencia Turismo de Galicia.

2. Obxecto do contrato:

Tipo de contrato: servizo.

Descrición do obxecto: impulsar un conxunto de estratexias e accións de comunicación dixital que complementen a campaña de promoción dos recursos naturais e culturais de Galicia, así como o Camiño de Santiago, en particular, durante o ano 2016, coa intención de manter a sensibilización da poboación galega, nacional e internacional, así como dos sectores implicados sobre os valores do turismo en Galicia na internet e redes sociais.

Comprende 3 lotes:

Lote 1. Accións publicitarias na internet.

Lote 2. Estratexia de comunicación nas redes sociais de turismo de Galicia.

Lote 3. Monitorización do destino Galicia.

Prazo de execución: o prazo de execución levarase a cabo ao longo do ano 2016, tendo en conta a particularidade de cada lote.

Lote 1. A duración máxima prevista do contrato será de sete (7) meses, tendo como datas de referencia entre os días 1 de maio e 30 de novembro de 2016.

Lote 2. Desde a data de sinatura do contrato e ata o 31 de decembro de 2016.

Lote 3. Desde a data de sinatura do contrato e ata o 31 de decembro de 2016.

3. Tramitación, procedemento e forma de adxudicación:

Tramitación: anticipada e suxeita a regulación harmonizada.

Procedemento: aberto.

Forma de adxudicación: adxudicación baseada na pluralidade de criterios.

4. Orzamento base de licitación:

Lote 1. Importe sen IVE: 213.223,14 €. Importe IVE: (21 %): 44.776,86 €. Total: 258.000,00 €.

Lote 2. Importe sen IVE: 82.644,63 €. Importe IVE (21 %): 17.355,37 €. Total: 100.000,00 €.

Lote 3. Importe sen IVE: 33.057,85 €. Importe IVE (21 %): 6.942,15 €. Total: 40.000,00 €.

Importe total dos tres lotes (IVE incluído): 398.000,00 €.

5. Garantías:

Provisional: non se exixe.

Definitiva: 5 % do importe de adxudicación, IVE excluído.

6. Obtención de documentación e información:

O prego de cláusulas administrativas particulares e o prego de prescricións técnicas do servizo poderán ser examinados na Área de Contratación da Axencia Turismo de Galicia.

Poderán obterse os pregos relativos a esta contratación no seguinte enderezo da internet:

http://www.contratosdegalicia.es/resultado.jsp?N=23885

Información sobre a contratación: teléfono 981 54 74 99.

Correo electrónico: contratacion-turismo.cpr@xunta.es

7. Requisitos específicos do contratista:

Solvencia económica e financeira: deberá xustificarse polos medios sinalados na cláusula 9 do cadro de características do prego de cláusulas administrativas particulares.

Solvencia técnica específica: deberá xustificarse polos medios sinalados na cláusula 10 do cadro de características do prego de cláusulas administrativas particulares.

8. Presentación de ofertas:

Data límite de presentación: o prazo de admisión de proposicións finaliza o día 8 de febreiro de 2016, de acordo co establecido non artigo 159 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público. Se o día de finalización do prazo fose domingo ou festivo, prorrogarase ata o primeiro día hábil seguinte.

Documentación que hai que presentar: véxase prego de cláusulas administrativas particulares.

Lugar de presentación de proposicións: efectuarase no Rexistro da Axencia Turismo de Galicia, estrada Santiago-Noia, km 3, 15897 Santiago de Compostela, en sobres pechados. Se as proposicións se cursan por correo haberá que aterse ao previsto na cláusula 13.2 do prego de cláusulas administrativas particulares.

Criterios de adxudicación: a oferta máis vantaxosa tendo en conta os criterios que figuren no prego de cláusulas administrativas particulares.

Admisión de variantes: non se admiten.

9. Apertura das ofertas:

O acto público de apertura dos sobre B e C terá lugar na Sala de Xuntas da Axencia Turismo de Galicia na data e na hora que serán anunciadas, con 3 días hábiles de antelación á súa realización, no perfil de contratante http://www.contratosdegalicia.es .

10. Gastos do anuncio: por conta do adxudicatario.

Santiago de Compostela, 28 de decembro de 2015

Mª Nava Castro Domínguez
Directora da Axencia Turismo de Galicia