De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícanselles aos titulares dos establecementos que se especifican no anexo as resolucións dos recursos de alzada que se relacionan, interpostos contra as resolucións recaídas en expedientes sancionadores tramitados na provincia de Pontevedra por infracción da Lei orgánica 1/1992, do 21 de febreiro, de protección da seguridade cidadá, por non ser posible a súa notificación por correo certificado.
Para coñecer o contido íntegro das resolucións que se sinalan no anexo a este anuncio, os interesados poderán comparecer no prazo de dez días hábiles contados desde o seguinte ao da publicación deste anuncio no Boletín Oficial del Estado, nas dependencias do Servizo Técnico-Xurídico da Secretaría Xeral Técnica da Consellería de Presidencia, Administracións Públicas e Xustiza, situadas no Edificio Administrativo San Caetano, s/n, 15781 Santiago de Compostela, das 9.00 ás 14.00 horas, de luns a venres.
Este anuncio publícase para que conste e lles sirva de notificación aos interesados en cumprimento do disposto nos artigos 59.5 e 61 da Lei 30/1992, do 26 de novembro. A eficacia desta notificación queda supeditada á súa publicación no taboleiro de edictos único (TEU) do Boletín Oficial del Estado.
Así mesmo, ponse en coñecemento dos interesados que as resolucións relacionadas no anexo esgotan a vía administrativa e poderán interpor recurso contencioso-administrativo ante o xulgado do contencioso-administrativo correspondente no prazo de dous meses contados desde o día seguinte ao da súa notificación, e sen prexuízo de que poidan presentar calquera outro recurso que consideren conveniente.
Santiago de Compostela, 16 de decembro de 2015
Beatriz Cuiña Barja
Secretaria xeral técnica da Consellería de Presidencia,
Administracións Públicas e Xustiza
ANEXO
|
Nº de expediente |
Recorrente |
Enderezo |
Establecemento |
Acto notificado |
Sentido do acto notificado |
|
PO-EP 223/13 |
Inés Carrasco Hermida |
R/ Arcebispo Malvar, nº 14 36002 Pontevedra |
Café Bar Comecocos |
Resolución do recurso de alzada |
Desestimatorio |
|
PO-EP 207/13 |
Inés Carrasco Hermida |
R/ Arcebispo Malvar, nº 14 36002 Pontevedra |
Café Bar Comecocos |
Resolución do recurso de alzada |
Desestimatorio |
