Visto o expediente para outorgamento de autorización administrativa e autorización administrativa de construción da instalación eléctrica que a seguir se describe:

Solicitante: Unión Fenosa Distribución, S.A.

Domicilio social: travesía de Vigo, 204, 36207 Vigo.

Denominación: recuamento provisorio liñas BAL 15 kV no contorno da subestación de Balaídos.

Situación: Vigo.

Características técnicas: LMT subterránea a 15 kVcon condutor RHZ en tres actuacións:

– LMTS BAL706, 707, 708, 712, 714, 716, 717, 718, 720, 723, 724, 725, 727, 728, 729, 730, 731 e 739. Lonxitude: 1.338 metros; orixe: sala de celas de 15 kV da subestación de Balaídos; final: punto de acceso (en diante P.A.) proxectado nº 3.

– LMTS BAL706, 717, 720, 724, 729 e 739. Lonxitude: 348 metros; orixe: P.A. proxectado nº 3; final: P.A. existente nº 6.

– LMTS BAL707, 708, 712, 714, 716, 718, 723, 725, 727, 728, 730 e 731. Lonxitude: 576 metros; orixe: P.A. proxectado nº 3; final: P.A. existente nº 7.

A instalación está situada na zona de Balaídos, Vigo.

Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII, do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Resolución da Consellería de Economía e Industria do 19 de febreiro de 2014, pola que se aproba o procedemento de autorización administrativa de construción, DOG núm. 54, do 19 de marzo, esta xefatura territorial resolve:

Conceder autorización administrativa e autorización administrativa de construción para a devandita instalación, cuxas características se axustarán en todas as súas partes ás que figuran no proxecto de execución e ás condicións técnicas e de seguranza establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.

O prazo de posta en marcha da instalación, de acordo co artigo 131 do Real decreto 1955/2000, será de 12 meses a partir da recepción da presente resolución. Para efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.

Contra a presente resolución poderase interpor recurso de alzada ante o conselleiro de Economía, Emprego e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se coide pertinente.

Pontevedra, 3 de decembro de 2015

Ignacio Rial Santomé
Xefe territorial de Pontevedra