No Xulgado do Contencioso-Administrativo número 1 de Santiago de Compostela tramítase o recurso 381/2015 (procedemento abreviado), interposto por Raquel García Paz, contra a desestimación presunta do seu recurso de alzada, no cal solicita a rescisión dos chamamentos realizados a Silvia Freire Dosil e Mª Mar Patiño Cotón (categoría de técnico/a superior en imaxe para o diagnóstico, área de Santiago de Compostela), no marco do pacto subscrito pola Administración sanitaria coas centrais sindicais CC.OO., CEMSATSE, CIG, CSIF, UGT e USAE, sobre selección de persoal estatutario temporal no ámbito do Servizo Galego de Saúde e entidades públicas adscritas á Consellería de Sanidade (DOG núm. 89, do 9 de maio de 2011).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no citado xulgado no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 11 de decembro de 2015

Margarita Prado Vaamonde
Directora xeral de Recursos Humanos