Para os efectos de darlle cumprimento ao solicitado polo Xulgado do Contencioso-Administrativo número 2 de Lugo, en relación co procedemento ordinario número 323/2015, interposto por David López Núñez e Dolores María López Núñez, contra a Resolución do 22 de outubro de 2015 ditada pola Axencia de Protección da Legalidade Urbanística no expediente 107B 2004/66-0, na que se comunica a data de demolición da vivenda unifamiliar, sita en Ombreiro, estrada Camoira-Aez, concello de Lugo, esta dirección resolveu ordenar a remisión do correspondente expediente ao Xulgado do Contencioso-Administrativo número 2 de Lugo.
Ao non poder realizarse a notificación persoal dos emprazamentos, mediante a presente cédula, que ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), se lle notifica por medio dun anuncio publicado no Boletín Oficial del Estado, se empraza a Raquel Núñez Roibás para que poida comparecer como interesada nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 15 de decembro de 2015
José Antonio Cerdeira Pérez
Director da Axencia de Protección da Legalidade Urbanística