No Xulgado do Contencioso-Administrativo número 1 de Vigo tramítase o recurso 514/2015 (procedemento abreviado), interposto por Ana Isabel Ferrero Martínez contra a Resolución da directora xeral de Recursos Humanos do Servizo Galego de Saúde, do 31 de agosto de 2015, que desestima o recurso potestativo de reposición interposto contra a Resolución do 7 de maio de 2015 (DOG número 92, do 19 de maio), da Dirección Xeral de Recursos Humanos do Servizo Galego de Saúde, pola que se publica a orde de prelación e puntuación definitiva obtidas polas persoas aspirantes admitidas no proceso de actualización das listas de selección temporal de diversas categorías sanitarias (categoría: enfermeiro/a).

A recorrente discrepa da puntuación obtida na epígrafe de experiencia profesional.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 4 de decembro de 2015

Margarita Prado Vaamonde
Directora xeral de Recursos Humanos