De conformidade co establecido no Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG nº 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 43/2013, do 21 de febreiro (DOG nº 47, do 7 de marzo) polo que se establece a estrutura orgánica do Servizo Galego de Saúde, da Orde do 5 de xuño de 2012
(DOG nº 39, do 20 de xullo), sobre delegación de competencias en órganos centrais e periféricos do Servizo Galego de Saúde, e do Decreto 168/2010, do 7 de outubro, polo que se regula a estrutura organizativa de Xestión Integrada do Servizo Galego de Saúde, o xerente da Xestión Integrada da Coruña
RESOLVE:
Anunciar a convocatoria para cubrir, polo procedemento regulamentario, varios postos de supervisor/a de unidade que se relacionan no anexo desta resolución.
As bases integras da convocatoria estarán expostas nos taboleiros de anuncios da Xerencia de Xestión Integrada da Coruña, na páxina web do Servizo Galego de Saúde
( www.sergas.es ) e no «espazo do profesional».
As solicitudes e a documentación anexa que conteña a xustificación dos requisitos e méritos alegados, deberán presentarse no rexistro da Xerencia de Xestión Integrada da Coruña (Hospital A Coruña, As Xubias de Arriba, 84, 15006 A Coruña) dirixidas á Xerencia de Xestión Integrada, no prazo dun mes contado desde o seguinte ao da data da publicación do anuncio da presente convocatoria no Diario Oficial de Galicia.
Así mesmo, poderán presentarse a través de calquera dos rexistros previstos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.
A Coruña, 3 de decembro de 2015
Francisco José Vilanova Fraga
Xerente de Xestión Integrada da Coruña
ANEXO
Unidade |
Denominación da praza |
Nº de prazas |
Admisión |
Supervisor/a da Unidade de Admisión do Complexo Hospitalario Universitario A Coruña |
1 |
Cirurxía B |
Supervisor/a da Unidade de Cirurxía B do Complexo Hospitalario Universitario A Coruña |
1 |
Medicina Preventiva e Saúde Pública |
Supervisor/a da Unidade de Medicina Preventiva e Saúde Pública do Complexo Hospitalario Universitario A Coruña |
1 |
Medicina Interna 1 Norte |
Supervisor/a da Unidade de Medicina Interna 1 Norte do Complexo Hospitalario Universitario A Coruña |
1 |
Procesos de Xestión |
Supervisor/a da Unidade de Procesos de Soporte e Xestión do Complexo Hospitalario Universitario A Coruña |
1 |
Urxencias |
Supervisor/a da Unidade de Urxencias do Complexo Hospitalario Universitario A Coruña |
2 |
Xinecoloxía |
Supervisor/a da Unidade de Xinecoloxía do Complexo Hospitalario Universitario A Coruña |
1 |