Susana Varela Amboage, secretaria xudicial do Xulgado do Social número 3 de Santiago de Compostela, fai saber que no procedemento de execución de títulos xudiciais 255/2015 deste xulgado do social, seguidos por instancia de Ángel Vieites Suárez contra a empresa Construcciones Lorenzo Cao, S.L., sobre reclamación de cantidade, se ditou auto con data do 25 de novembro de 2015 e decreto con data do 1 de decembro de 2015, cuxa parte dispositiva son do teor literal seguinte:
Parte dispositiva do auto:
«Parte dispositiva.
Dispoño:
Despachar orde xeral de execución a favor da parte executante, Ángel Vieites Suárez, fronte a Construcciones Lorenzo Cao, S.L., parte executada, por importe de 1.978,06 euros de principal, máis 304,87 euros en concepto de xuros de mora, máis 228,29 euros que se fixan provisionalmente en concepto de xuros que, de ser o caso, se poidan devindicar durante a execución e as custas desta, sen prexuízo da súa posterior liquidación.
Este auto, xunto co decreto que ditará a secretaria xudicial, e copia da demanda executiva, serán notificados asemade á parte executada, tal e como dispón o artigo 553 da LAC. A executada queda apercibida para os efectos mencionados nos razoamentos xurídicos terceiro e cuarto desta resolución, e conforme dispoñen os artigos 251.2 e 239.3 da LXS.
Contra este auto poderase interpor recurso de reposición ante este órgano xudicial, no prazo dos tres días hábiles seguintes ao da súa notificación, en que ademais de alegar as posibles infraccións en que puidese incorrer a resolución e o cumprimento ou incumprimento dos orzamentos e requisitos procesuais exixidos, se poderá deducir a oposición á execución despachada, aducindo pagamento ou cumprimento documentalmente xustificado, prescrición da acción executiva ou outros feitos impeditivos, extintivos ou excluíntes da responsabilidade que se pretenda executar, sempre que acaecesen con posterioridade á súa constitución do título. A compensación de débedas non será admisible como causa de oposición á execución.
Se o recorrente non ten a condición de traballador ou beneficiario do réxime público de seguridade social deberá consignar a cantidade de 25 euros, en concepto de depósito para recorrer, na conta de consignacións deste Xulgado do Social número 3, aberta no Banco Santander, conta nº 5076 0000 64 0255 15. Se o ingreso se fai mediante transferencia bancaria deberase ingresar na conta número 00493569920005001274 e, no campo “concepto” deberá indicar o número de conta “5076 0000 64 0255 15”. Se efectúa diversos pagamentos na mesma conta deberá especificar un ingreso por cada concepto, mesmo se obedecen a outros recursos da mesma ou distinta clase indicando no campo de observacións a data da resolución contra a cal se recorreu utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acorda e asina SSª. Dou fe.
O/A maxistrado/a xuíz/a O/A secretario/a xudicial».
E a parte dispositiva do decreto:
«Parte dispositiva.
Acordo: acumular a presente execución número 255/2015 á seguida nesta oficina co número 250/2015.
Póñase en coñecemento do Rexistro Público Concursal o auto do 25 de novembro de 2015 polo que se despacha execución, con expresa especificación do número de identificación fiscal do debedor contra o cal se despachou execución (artigo 551.3, epígrafe final).
Lévese testemuño do presente á execución correspondente e o orixinal ao libro de decretos correspondente.
Notifíquese ás partes.
Modo de impugnación. Contra a presente resolución cabe recurso directo de revisión, que se deberá interpor ante o presente órgano xudicial, no prazo de tres días hábiles.
Se o recorrente non ten a condición de traballador ou beneficiario do réxime público de seguridade social deberá consignar a cantidade de 25 euros, en concepto de depósito para recorrer, na conta de consignacións deste Xulgado do Social número 3, aberta no Banco Santander, conta nº 5076 0000 64 0255 15. Se o ingreso se fai mediante transferencia bancaria deberase ingresar na conta número 00493569920005001274 e, no campo “concepto” deberá indicar o número de conta “5076 0000 64 0255 15”. Se efectúa diversos pagamentos na mesma conta deberá especificar un ingreso por cada concepto, mesmo se obedecen a outros recursos da mesma ou distinta clase indicando no campo de observacións a data da resolución contra a cal se recorreu utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acorda e asina SSª. Dou fe.
A secretaria xudicial».
Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial.
E para que sirva de notificación a Construcciones Lorenzo Cao, S.L., expido este edicto.
Santiago de Compostela, 1 de decembro de 2015
A secretaria xudicial
