De conformidade co disposto nos artigos 59.5 e 61 da Lei 30/1992, do 26 do novembro, de réxime xurídico das administracións públicas e do procedemento administrativo común, notifícaselle á persoa que a continuación se indica a resolución do expediente administrativo instruído de conformidade co disposto no artigo 172 e seguintes do Código civil, por non ser posible a dita notificación no último domicilio que consta no expediente que figura nesta xefatura territorial.
O interesado poderá interpoñer recurso ante o Xulgado de Primeira Instancia de Pontevedra que por quenda corresponda, no prazo de dous meses desde o día seguinte ao da publicación desta resolución no Boletín Oficial del Estado, sen necesidade de reclamación administrativa previa de conformidade co disposto no artigo 780 da Lei 1/2000, do 7 de xaneiro, de axuizamento civil.
O correspondente expediente está no Servizo de Familia e Menores da Xefatura Territorial en Vigo, da Consellería de Política Social, rúa Concepción Areal, 8, 1º andar, 36201 Vigo, onde a persoa interesada poderá comparecer no prazo de dous meses desde o día seguinte ao da publicación desta cédula, para efectos de coñecemento do contido íntegro da resolución, de luns a vernes laborais e en horario das 9.00 ás 14.00 horas.
Vigo, 23 de novembro de 2015
María Peón Fernández
Xefa territorial de Vigo
ANEXO
Nº expediente: 2014/131-5.
Interesada: Sofía Docampo Copette.
Enderezo: descoñecido.
Asunto: notificación de resolución administrativa do 30 de outubro do 2015.