A alcaldesa do Concello do Porriño, Eva García de la Torre, o 3 de novembro de 2015 aprobou inicialmente o plan parcial do SUR PPI-1, mediante acordo que ten o seguinte contido literal.
«1º. Aprobar inicialmente o plan parcial do solo urbanizable delimitado SUR PPI-1.
2º. Someter o expediente a información pública durante un prazo de dous meses mediante anuncio que se publicará no Diario Oficial de Galicia e en dous xornais de maior circulación da provincia, notificándollelo aos propietarios de todos os terreos afectados e aos concellos limítrofes.
3º. Remitir un exemplar do plan parcial á Confederación Hidrográfica para emisión de informe preceptivo no prazo dun mes.
4º. Someter o expediente a consultas por un prazo de dous meses dando comunicacion aos organismos que deseguido se relacionan e que foron expresamente citados no documento de referencia elaborado pola Dirección Xeral de Desenvolvemento Sostible:
– Confederación Hidrográfica do Miño-Sil.
– Dirección Xeral de Aviación Civil.
– Secretaría Xeral de Calidade e Avaliación Ambiental, Subdirección Xeral de Avaliación Ambiental.
– Instituto de Estudos do Territorio.
– Dirección Xeral de Mobilidade.
– Dirección Xeral de Conservación da Natureza.
– Augas de Galicia.
– Dirección Xeral do Patrimonio Cultural.
– Secretaría Xeral do Medio Rural e Montes.
– Dirección Xeral de Industria, Enerxía e Minas.
– Deputación Provincial de Pontevedra.
– Federación Ecoloxista Galega.
– Federación Galega de Medioambiente.
– Fundación Galicia Sustentable.
– Universidade de Vigo. Departamento de Xeociencia Mariña e Ordenación do Territorio.
5º. Suspender o otorgamento de licenzas de edificación, parcelación e derruba no ámbito do plan parcial do SUR PPI-1.
6º. Dar conta desta resolución ao Pleno da Corporación na próxima sesión plenaria que se convoque».
O que se fai público para xeral coñecemento, para que os interesados presenten as alegacións, reclamacións e suxestións que coiden convenientes, durante o prazo de dous meses contados a partir da data de publicación no Diario Oficial de Galicia.
O Porriño, 4 de novembro de 2015
Eva García de la Torre
Alcaldesa