JVB xuízo verbal 355/2015-4
Procedemento orixe: /
Sobre outras materias
Demandante: Moisés Terrés Pérez
Procuradora: Nuria Romero Rañó
Avogado: Jorge Manuel Martínez Tojo
Demandada: Eficiencia Global Renovables, S.L. Globalrenov
No procedemento de referencia foi ditada a resolución do teor literal seguinte:
«Sentenza.
En Santiago de Compostela o 28 de setembro de 2015.
Vistos por M. de Luna Taboada Martínez, maxistrada xuíza do Xulgado de Primeira Instancia número 5 desta cidade, os presentes autos de xuízo verbal nº 355/2015-4, seguidos por instancia de Moisés Terrés Pérez, representado pola Sra. Romero Rañó, baixo a asistencia letrada do Sr. Martínez Tojo, contra Eficiencia Global Renovables, S.L. Globalrenov, en situación de rebeldía procesual.
Decido:
Estimar a demanda presentada pola procuradora Sra. Romero Rañó no nome e representación invocada e, en consecuencia, condénase Eficacia Global Renovables, S.L. Globalrenov a pagar ao demandante a cantidade de catro mil douscentos sesenta e un euros e cinco céntimos (4.261,05 €) máis os xuros legais, así como ao pagamento das custas.
Notifíquese esta sentenza ás partes e fágaselles saber que contra ela cabe recurso de apelación que, se é o caso, se deberá interpor ante este mesmo xulgado dentro dos vinte días seguintes a aquel en que se notifique esta resolución. Para a interposición do devandito recurso é necesaria a constitución de depósito na conta de depósitos e consignacións do xulgado, de acordo co establecido na disposición adicional décimo quinta da LOPX e polo importe de 50 €, o que deberá ser acreditado cando se presente o recurso.
Así o acorda, manda e asina, M. de Luna Taboada Martínez, maxistrada xuíza do Xulgado de Primeira Instancia número 5 de Santiago de Compostela».
E como consecuencia do ignorado paradoiro de Eficiencia Global Renovables S.L. Globalrenov, esténdese a presente para que sirva de cédula de notificación.
Santiago de Compostela, 30 de setembro de 2015
A secretaria xudicial