A Xunta Electoral Provincial da Coruña, en sesión do 1 de decembro de 2015, acordou a publicación da composición da Comisión de Radio e Televisión á cal se refire o artigo 65 da LOREX, á cal corresponde, baixo a dirección desta xunta, efectuar a proposta de distribución de espazos gratuítos de propaganda electoral nos medios de comunicación de titularidade pública, en relación coas eleccións ao Congreso dos Deputados e ao Senado que se celebrarán o vindeiro 20 de decembro.
Unha vez aceptaron os cargos dos representantes designados por cada formación política que, concorrendo ás referidas eleccións, ten representación no Congreso dos Deputados, a composición da Comisión de Radio e Televisión é a seguinte:
• Ana Isabel Peón Piñeiro, presidenta.
• Mercedes Cernadas López, vogal.
• Xosé Manuel Carril Vázquez, vogal.
A Coruña, 1 de decembro de 2015
Manuel Ferreiro González
Letrado da Administración de xustiza
na Xunta Electoral Provincial da Coruña