A Xunta Arbitral de Transportes de Galicia, instrumento de protección e defensa das partes que interveñen na actividade de transporte, creouse, no marco da Lei 16/1987, do 30 de xullo, de ordenación dos transportes terrestres, por Orde da Consellería de Ordenación do Territorio e Obras Públicas do 9 de outubro de 1991 (Diario Oficial de Galicia número 232, do 23 de outubro). A súa actual composición vén determinada pola Resolución desta dirección xeral do 2 de xullo de 2014 pola que se nomean os membros da Xunta Arbitral de Transportes de Galicia (Diario Oficial de Galicia número 132, do 14 de xullo).
O 18 de novembro de 2015, aprobouse o Decreto 165/2015, do 13 de novembro, polo que se establece a estrutura orgánica da Consellería de Infraestruturas e Vivenda, que modifica a estrutura interna da Dirección Xeral de Mobilidade e, en consecuencia, afecta o servizo a que queda adscrita a secretaría da Xunta Arbitral de Transportes de Galicia. Por mor destes cambios, faise necesaria unha revisión da composición do órgano arbitral no tocante aos membros deste organismo que representan a Administración. Este cambio afecta, incidentalmente, as vogalías e a propia presidencia desde órgano.
Por tanto, a pesar de que a modificación afecta unicamente os membros do órgano arbitral que representan a Administración, motivos de claridade aconsellan reproducir nesta resolución a súa composición completa.
De conformidade co exposto,
RESOLVO:
Primeiro. Nomear membros titulares e suplentes da Xunta Arbitral de Transportes de Galicia as persoas que a seguir se relacionan:
1. Presidente/a:
1.1. Titular:
– A persoa titular da Subdirección Xeral de Ordenación do Transporte da Dirección Xeral de Mobilidade.
1.2. Suplentes:
– A persoa titular da Subdirección Xeral de Inspección do Transporte da Dirección Xeral de Mobilidade.
– A persoa titular da xefatura do Servizo de Estudos e Apoio Xurídico da Dirección Xeral de Mobilidade.
– A persoa titular da xefatura do Servizo de Autorizacións, Informes e Xunta Arbitral da Dirección Xeral de Mobilidade.
2. Vogais:
2.1. Representantes da Administración:
2.1.1. Titulares:
– A persoa titular da Subdirección Xeral de Inspección do Transporte da Dirección Xeral de Mobilidade.
– A persoa titular da xefatura do Servizo de Estudos e Apoio Xurídico da Dirección Xeral de Mobilidade.
2.1.2. Suplentes:
– A persoa titular da xefatura do Servizo de Autorizacións, Informes e Xunta Arbitral da Dirección Xeral de Mobilidade.
– A persoa titular da xefatura do Servizo de Ordenación do Transporte Regular de Viaxeiros da Dirección Xeral de Mobilidade.
– A persoa titular da xefatura do Servizo de Coordinación dos Plans de Transporte da Dirección Xeral de Mobilidade.
– As persoas titulares das xefaturas dos servizos de Mobilidade das xefaturas territoriais da Consellería de Medio Ambiente, Territorio e Infraestruturas nas provincias da Coruña, Lugo, Ourense e Pontevedra.
2.2. Representante das empresas de transporte por ferrocarril:
– Vacante.
2.3. Representante das empresas de transporte de viaxeiros e viaxeiras, por proposta do Comité Galego de Transportes por Estrada:
2.3.1. Titular:
– José Carlos García Cumplido.
2.3.2. Suplente:
– Raquel García Varela.
2.4. Representante das empresas de transporte de mercadorías e das actividades auxiliares e complementarias do transporte, por proposta do Comité Galego de Transportes por Estrada:
2.4.1. Titular:
– José Carlos García Cumplido.
2.4.2. Suplente:
– Raquel García Varela.
2.5. Representante das persoas consumidoras e usuarias, por proposta do Consello Galego de Consumidores e Usuarios:
2.5.1. Titular:
– Rocío Arnoso Moure.
2.5.2. Suplente:
– Almudena Carracedo Troncoso.
2.6. Representante das empresas cargadoras, por proposta da Confederación de Empresarios de Galicia:
2.6.1. Titular:
– Héctor Torres Laguna.
2.6.2. Suplente:
– José Manuel Maceira Blanco.
3. Secretario/a:
3.1. Titular:
– A persoa titular da xefatura do Servizo de Autorizacións, Informes e Xunta Arbitral da Dirección Xeral de Mobilidade.
3.2. Suplentes:
– As persoas designadas nesta resolución para ocuparen, xa sexa como titulares xa como suplentes, as vogalías da Xunta Arbitral de Transportes de Galicia en representación da Administración.
Segundo. A designación dos membros correspondentes á Administración entenderase condicionada a que as persoas que ocupen os postos indicados teñan o título de licenciado en dereito ou equivalente.
Terceiro. A antedita modificación entenderase vixente e aplicable a partir da publicación desta resolución no Diario Oficial de Galicia.
Cuarto. A composición establecida nesta resolución será aplicable para as vistas e actos da Xunta Arbitral de Transportes de Galicia que se celebren a partir da data de publicación da presente resolución; para os anteriores entenderase aplicable a composición vixente ata entón. En todo caso, para ditar laudos correspondentes a vistas celebradas con anterioridade á dita data, entenderase aplicable a composición vixente no momento de celebrarse a vista oral.
Quinto. En caso de modificación da estrutura orgánica da Consellería de Infraestruturas e Vivenda que dea lugar a unha alteración dos órganos ou unidades a que se refire esta resolución, as súas mencións entenderanse feitas a aqueles que os substitúan.
Santiago de Compostela, 19 de novembro de 2015
Helena de Lucas de Santos
Directora xeral de Mobilidade
