Para os efectos previstos na Lei 24/2013, do 26 de decembro, do sector eléctrico (BOE núm. 310, do 27 de decembro) en relación co título VII do Real decreto 1955/2000, do 1 de decembro (BOE núm. 310, do 27 de decembro), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Resolución do 19 de febreiro de 2014 pola que se aproba o procedemento de autorización administrativa de construción, de acordo co previsto na citada Lei 24/2013, sométese a información pública a petición de autorización administrativa previa, e de construción, así como a declaración de utilidade pública, en concreto, da seguinte instalación eléctrica:
Denominación: LMT derivada Macedo.
Solicitante: Unión Fenosa Distribución, S.A.
Domicilio social: A Batundeira 2, Velle-Ourense.
Finalidade: mellorar a calidade da subministración eléctrica na zona.
Características técnicas principais:
1. Liña de media tensión aérea a 20 kV con orixe no apoio existente na liña de media tensión ao centro de transformación Macedo-Cuíña con derivación ao centro de transformación Carballal e final no centro de transformación Macedo-Cuíña, cunha lonxitude de 966 metros en condutor tipo LA-56, tensado sobre apoios de formigón.
A declaración de utilidade pública, segundo o sinalado no artigo 56 da citada Lei 24/2013, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupacion para os efectos do artigo 52 da Lei do 16 de decembro de 1954, de expropiación forzosa (BOE núm. 351, do 17 de decembro).
A relación concreta e individualizada de bens e dereitos afectados que se consideran de necesaria ocupación, figuran no anexo que se insire xunto con esta resolución.
Aquelas persoas ou entidades que se consideren afectadas poderán presentar as súas alegacións por duplicado nesta xefatura territorial (Edificio Administrativo da Xunta de Galicia en Lugo, rolda da Muralla, 70) referidas ás posibles limitacións á constitución da servidume de paso de liñas eléctricas (artigo 161 do Real decreto 1955/2000) e aqueloutras que estimen oportunas no prazo de vinte días hábiles contados desde o día seguinte ao da última publicación ou ao da notificación individual.
Durante este prazo poderase examinar o proxecto das instalacións nesta xefatura territorial de luns a venres, das 9.00 as 14.00 horas.
Ata o mesmo momento do levantamento das actas previas, os interesados poderán facer alegacións por escrito para os únicos efectos de corrixir posibles erros que se atopen ao relacionar os bens e dereitos afectados segundo dispón o artigo 56.2 do Regulamento da Lei de expropiación forzosa (BOE núm. 160, do 20 de xuño).
Esta publicación realízase igualmente para os efectos do artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), cando os titulares dos predios propostos sexan descoñecidos, non se saiba o lugar de notificación, ou ben, tentada a notificación, non se puidese realizar e así dirixirlle ao Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.
Lugo, 10 de novembro de 2015
Pilar Fernández López
Xefa territorial de Lugo
ANEXO
Parc.nº |
Ref. catastral |
Lugar |
Propietario |
Tipo de cultivo |
Afección |
||||
Pol. nº |
Parc. nº |
Nome, apelidos e enderezo |
Apoio |
Voo |
|||||
Nº |
Sup. ocupada m2 |
Lonxit. m |
Sup. afectada m2 |
||||||
9 |
65 |
894 |
Tarreo de Requeixo |
Eladio Besteiro Moredo, 27205 Palas de Rei |
Monte alto |
1 |
2 |
27 |
429 |
15 |
65 |
58 |
Carballal |
Dorinda Seijas Escariz Carballal, 27204 Palas de Rei |
Monte alto |
21 |
347 |
||
19 |
65 |
697 |
Foxo |
Luis Paredes Seijas Carballal, 27204 Palas de Rei |
Monte alto |
3-4 |
4 |
161 |
2.575 |
24 |
65 |
620 |
Agro Grande |
Eugenia Agra Paredes Cuíña, 27208 Palas de Rei |
Labradío |
23 |
|||
26 |
65 |
624 |
Cuíña |
Elena Viña Carballo Antonio Ríos, 32, 15009 A Coruña |
Labradío |
67 |
542 |
||
30 |
65 |
632 |
Monte Tallos |
Esther Bargados Bargados La Paz, 8, 48920 Portogalete |
Monte alto |
104 |