O nomeamento de rexistradores da propiedade, mercantís e de bens mobles que desempeñen funcións en Galicia é competencia desta comunidade autónoma, segundo o disposto no artigo 26.1 do Estatuto de autonomía de Galicia, aprobado pola Lei orgánica 1/1981.

Visto o expediente instruído para a provisión de rexistros da propiedade, mercantís e de bens mobles vacantes, en virtude de concurso ordinario número 292, convocado pola Resolución da Dirección Xeral dos Rexistros e do Notariado do 28 de setembro de 2015 (BOE do 5 de outubro) e resolto pola Resolución do 6 de novembro de 2015, e de conformidade cos artigos 284 da Lei hipotecaria, 496 e demais concordantes do regulamento para a súa execución, co Decreto da Xunta de Galicia 72/2013, do 25 de abril, e coas demais disposicións legais autonómicas pertinentes,

RESOLVO:

Nomear os rexistradores comprendidos na citada resolución e que no anexo se relacionan para prover os rexistros vacantes radicados no territorio da Comunidade Autónoma de Galicia.

Santiago de Compostela, 17 de novembro de 2015

Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza

ANEXO

• Antonio Gelabert González, rexistrador de Pontevedra número 1 para o Rexistro Mercantil e de Bens Mobles de Santiago de Compostela.

• Manuel Mariano Crespo López, rexistrador de Cangas para o Rexistro da Propiedade de Tui.