O director da Axencia de Protección da Legalidade Urbanística ditou, o 2 de outubro de 2015, resolución pola que se declara a inadmisión a trámite do recurso extraordinario de revisión presentado por Albino Real López contra a Resolución do 12 de maio de 2014, que daba traslado ao alcalde do Concello de Vilamartín de Valdeorras das actuacións realizadas, en relación coas obras de construción dunha vivenda unifamiliar, no lugar de Córgomo, no concello de Vilamartín de Valdeorras, para que adoptase todas as medidas necesarias para a protección da legalidade urbanística, segundo o disposto no capítulo III do título VI da LOUG.
Ao non poderse realizar a notificación persoal daquela resolución, mediante esta cédula, e ao amparo do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), notifícase ao interesado a devandita resolución por medio dun anuncio no Boletín Oficial del Estado.
Tendo en conta que, en atención ao previsto no artigo 61 da LRXPAC, o acto non se publica na súa integridade, comunícase ao interesado que o texto íntegro da resolución que se notifica se atopa ao seu dispor nas dependencias da Axencia de Protección da Legalidade Urbanística sitas no Edificio Witland, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.
Contra a devandita resolución, que é definitiva en vía administrativa, o interesado pode interpoñer recurso contencioso-administrativo, no prazo de dous meses contados a partir do día seguinte da súa notificación, ante o xulgado do contencioso-administrativo en cuxa circunscrición se sitúe o inmoble afectado, conforme o disposto no artigo 14.1, regra terceira da Lei 29/1998, reguladora da xurisdición contencioso-administrativa.
Para que conste e sirva de notificación ao citado interesado en cumprimento do disposto no artigo 59.5 da LRXPAC, expido e asino esta cédula.
Santiago de Compostela, 4 de novembro de 2015
José Antonio Cerdeira Pérez
Director da Axencia de Protección da Legalidade Urbanística