A Axencia Galega de Innovación, con data do 7 de agosto de 2015, enviou unha notificación á empresa Salvamento e Contraincendios, S.L. co fin de comunicarlle o trámite de audiencia previo ao procedemento de reintegro do anticipo do segundo semestre de 2012, así como a perda de dereito a cobramento da subvención da anualidade 2013, correspondente ao expediente IN829B 2010/37, de conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), modificada pola Lei 4/1999, do 13 de xaneiro. A dita notificación foi devolta polo servizo de Correos e indicando o funcionario «caducado en lista». Ao non ser posible a súa práctica, por medio desta cédula no Boletín Oficial del Estado e segundo o disposto no número 5 do referido artigo e o establecido no artigo 61 do mesmo texto legal, notifícaselle á entidade beneficiaria o contido do trámite de audiencia que figura como anexo para que poida ter coñecemento del.
Tendo en conta o anterior, e segundo o artigo 84 da Lei 30/1992, do 26 de novembro, os interesados dispoñen dun prazo de quince días, contados desde o día seguinte ao da publicación desta cédula no Boletín Oficial del Estado, para faceren alegacións e presentaren os documentos e xustificantes que consideren pertinentes. Lémbraselles tamén o seu dereito a consultar o expediente, depositado nas dependencias desta axencia, sita na praza de Europa, 10, 3º A, 15707 Santiago de Compostela, e a obter, se é o caso, copia do expediente, segundo o previsto na letra a) do artigo 35 da Lei 30/1992, do 26 de novembro.
Santiago de Compostela, 13 de outubro de 2015
Manuel Varela Rey
Director da Axencia Galega de Innovación
ANEXO
Expediente: IN829B 2010/37.
Nome ou razón social: Salvamento e Contraincendios, S.L.
CIF/NIF: B15558257.
Tipo de axuda: subvencións para a contratación de persoal especialista en xestión da innovación segundo a Orde do 14 de maio de 2010 (DOG nº 96, do 24 de maio).
Contido do acto: trámite de audiencia IN829B 2010/37.