O texto refundido da Lei de portos do Estado e da mariña mercante (Real decreto lexislativo 2/2011, do 5 de setembro) no seu artigo 30 atribúe ás comunidades autónomas as facultades de designación e separación dos vogais dos consellos de administración das autoridades portuarias de interese do Estado situadas no seu territorio, que deberán facerse necesariamente por proposta das administracións públicas e organismos e entidades que aqueles representen.

O acordo do Consello da Xunta de Galicia do 16 de setembro de 2010 faculta a persoa titular da consellería competente en materia de portos para o exercicio das devanditas competencias.

Polo exposto, en exercicio da facultade atribuída, por proposta do presidente de Portos do Estado,

DISPOÑO:

O cesamento de Manuel Garat Caramé, como vogal no Consello de Administración da Autoridade Portuaria de Ferrol-San Cibrao en representación da Administración xeral do Estado, agradecéndolle os servizos prestados.

Santiago de Compostela, 12 de novembro de 2015

Rosa María Quintana Carballo
Conselleira do Mar