De conformidade co artigo 9.3 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade á encomenda de xestión da Vicepresidencia e Consellería de Presidencia, Administracións Públicas e Xustiza á Axencia Galega de Infraestruturas para a recepción de obras de acondicionamento do Camiño de Santiago licitadas pola Axencia Turismo de Galicia.
Entidade encomendante: Axencia Turismo de Galicia.
Entidade encomendada: Axencia Galega de Infraestruturas.
Actividade a que se refire e alcance desta: recepción de obras de acondicionamento do Camiño de Santiago por técnicos da Axencia Galega de Infraestruturas.
Natureza da encomenda: carácter gratuíto.
Prazo de vixencia da encomenda: un ano.
Santiago de Compostela, 18 de novembro de 2015
Mª Nava Castro Domínguez
Directora da Axencia Turismo de Galicia