De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ao interesado que a seguir se relaciona o acordo de iniciación do procedemento sancionador en materia de turismo, por infracción administrativa da Lei 7/2011, do 27 de outubro, do turismo de Galicia, expediente LU-23/2015, incoado á persoa titular do establecemento de turismo rural denominado Aldea do Mazo, situado no lugar de Meiraos, do concello de Folgoso do Courel (Lugo), xa que, intentada a notificación polos medios habituais, non se puido practicar.
Noméase instrutora do procedemento a Mercedes Campos Casares e secretaria a Carmen Enríquez Río, funcionarias desta área provincial de turismo, cuxo réxime de recusación é o previsto nos artigos 28 e 29 da Lei 30/1992.
Segundo o establecido no artigo 16.1 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, o interesado disporá dun prazo de quince (15) días, contados a partir do seguinte ao da publicación no Boletín Oficial del Estado desta notificación, para achegar por escrito cantas alegacións, documentos, ou informacións considere convenientes e, se é o caso, propoñer proba concretando os medios de que pretenda valerse.
Conforme o establecido no artigo 13.2 do Real decreto 1398/1993, de non efectuar alegacións no prazo anteriormente indicado, este acordo de iniciación poderá ser considerado proposta de resolución; para estes efectos determinarase o importe da sanción.
O pagamento voluntario poderá poñer fin ao expediente. Para efectualo deberá empregar o impreso normalizado que lle será facilitado na Área Provincial de Turismo de Lugo, sito no Edificio Administrativo da Xunta de Galicia na rolda da Muralla de Lugo.
O órgano competente para a resolución do procedemento é a directora da Axencia Turismo de Galicia, segundo o disposto no artigo 119.1.b) da Lei 7/2011, e no Decreto 196/2012, do 27 de setembro, polo que se crea a Axencia Turismo de Galicia e se aproban os seus estatutos.
O que se lle comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).
Lugo, 10 de novembro de 2015
Paloma Vázquez Fernández
Xefa da Área Provincial de Turismo de Lugo
ANEXO
Expediente: LU-23/2015.
Denunciado: Ángel Jesús Fernández Villaravid.
Establecemento: turismo rural Aldea do Mazo.
Enderezo: Meiraos.
Localidade: Folgoso do Courel.
Feitos denunciados: percibir prezos diferentes aos exhibidos ou notificados á usuaria ou ao usuario turístico ou percibir prezos por servizos que, en virtude da normativa turística, non sexan susceptibles de cobramento.
Preceptos infrinxidos: artigo 35, alínea c), da Lei 7/2011.
Tipificación da infracción: artigo 110.12 da Lei 7/2011.
Cualificación: grave.
Sanción: mil euros (1.000 €).