O Concello Pleno, en sesión que tivo lugar o día 24 de setembro de 2015, acordou aprobar definitivamente o estudo de detalle para a agregación de dúas parcelas e ordenación de volumetría e estética das unidades edificatorias 130806 e 130807 (rúa Bolaño Rivadeneira, 12-14) do Plan especial de protección, rehabilitación e reforma interior (PEPRI), solicitado por José María Vázquez Varela e outros.
O acordo de aprobación definitiva do dito estudo de detalle foille comunicado á Consellería de Medio Ambiente e Ordenación do Territorio da Xunta de Galicia con data do 15.10.2015, en cumprimento do establecido no artigo 92.3 da Lei 9/2002, do 30 de decembro, de ordenación urbanística e protección do medio rural de Galicia.
Contra este acordo, que é definitivo en vía administrativa, poderase interpor, no prazo de dous meses, recurso contencioso-administrativo, ante o Tribunal Superior de Xustiza de Galicia, sen prexuízo de que se poida exercer, se é o caso, calquera outro recurso que se considere procedente.
Lugo, 16 de outubro de 2015
P.D. (Decreto da Alcaldía nº 15005366) Xosé Daniel Piñeiro Villares Tenente alcalde delegado da Área de Desenvolvemento Sostible e Persoal |
José Antonio Carro Asorey Secretario xeral do Pleno |