Eu, Encarnación Mercedes Tubío Lariño, secretaria xudicial do Xulgado do Social número 4 da Coruña, dou fe e certifico que neste xulgado se seguen autos número 1202/2012 por instancia de Francisco Javier Pena Villar contra a empresa Esabe Vigilancia, S.A., o administrador concursal e o Fondo de Garantía Salarial, sobre reclamación de cantidade, nos cales se ditou sentenza o 19.10.2015 que, copiada nos particulares necesarios, di así:

«Resolución:

Estímase a demanda formulada por Francisco Javier Pena Villar fronte á empresa Esabe Vigilancia, S.A., o seu administrador concursal, con intervención do Fondo de Garantía Salarial e, en consecuencia, condénase a empresa Esabe Vigilancia, S.A. a aboar ao demandante a cantidade de mil trescentos noventa e catro euros con trinta e sete céntimos de euro (1.394,37 euros), de cuxas cantidades responderá o administrador concursal desta última e que devindicarán os conceptos salariais o xuro moratorio do 10 %.

Notifíquese a resolución ás partes.

Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, abondando a manifestación da parte ou do seu avogado, graduado social colexiado ou representante dentro do indicado prazo.

Se o recorrente non goza do beneficio de xustiza gratuíta deberá, no momento de anunciar o recurso, ter consignado a cantidade obxecto de condena, así como o depósito de 300 euros, na conta de depósitos e consignacións que ten aberta este xulgado, facendo constar no ingreso o número de procedemento.

Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña».

E para que conste, para os efectos da súa publicación no Diario Oficial de Galicia co fin de que sirva de notificación en forma á empresa Esabe Vigilancia, S.A. expido e asino a presente.

A Coruña, 26 de outubro de 2015

A secretaria xudicial