A Dirección Xeral da Función Pública recibiu do Xulgado do Contencioso-Administrativo número 1 de Pontevedra decreto polo que se admite a trámite o recurso contencioso-administrativo P.A. 196/2015, interposto por Rocío González Ocampo, contra a Resolución do 13 de abril de 2015, da Consellería de Facenda, pola que se desestima o recurso de alzada formulado contra a Resolución do 13 de novembro de 2014, do tribunal designado para xulgar o proceso selectivo para o ingreso no corpo facultativo superior da Administración da Xunta de Galicia (subgrupo A1), escala de arquitectos/as, pola que se dá publicidade a diversos acordos.
En consecuencia, esta dirección xeral acordou nesta data, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo ao referido xulgado. O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos no Xulgado do Contencioso-Administrativo número un de Pontevedra no prazo de nove (9) días, contados desde o seguinte ao da publicación desta resolución no Diario Oficial de Galicia.
Santiago de Compostela, 29 de outubro de 2015
José María Barreiro Díaz
Director xeral da Función Pública