Eu, Encarnación Mercedes Tubío Lariño, secretaria xudicial do Xulgado do Social número 4 da Coruña, dou fe e certifico que neste xulgado se seguen autos número 553/2015 por instancia de Ana María Rodríguez García contra a empresa Ansepla, S.L., sobre despedimento, nos cales se ditou sentenza en data 8.10.2015, que copiada nos particulares necesarios di así:
«Decisión
Estímase a demanda formulada por Ana María Rodríguez García fronte á empresa Ansepla, S.L. e, en consecuencia:
– Declárase improcedente o despedimento efectuado pola demandada Ansepla, S.L. á demandante.
– Enténdese, ante a imposibilidade de readmisión, feita a opción pola indemnización.
– Declárase a extinción da relación laboral.
– Condénase a Ansepla, S.L. a aboarlle a Ana María Rodríguez García en concepto de indemnización a cantidade de trinta e mil cincocentos cincuenta e cinco con sesenta e tres euros (31.556,63 euros).
– Condénase a Ansepla, S.L. a aboarlle a Ana María Rodríguez García en concepto de liquidación a cantidade de oitocentos setenta e cinco euros con sesenta e tres céntimos de euro (875,63 euros).
Notifíqueselles a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, e abondará a manifestación da parte ou do seu avogado, graduado social colexiado ou representante dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros, na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña».
E para que conste, para os efectos da súa publicación no Diario Oficial de Galicia co fin de que lle sirva de notificación en forma á empresa Ansepla, S.L., expido e asino a presente.
A Coruña, 15 de outubro de 2015
A secretaria xudicial