Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:
Solicitante: Unión Fenosa Distribución, S.A.
Domicilio social: travesía de Vigo, 204, 36207 Vigo.
Denominación: LAT 132 kV Novo Balaídos Sárdoma/Atios Novo Balaídos; soterramento na subestación Novo Balaídos.
Situación: Vigo.
Características técnicas: liña de alta tensión subterránea (dobre circuíto) a 132 kV con condutor AL1200+H165 de 94 metros de lonxitude, con orixe na galería de cables da subestación Novo Balaídos e final na citada subestación. A instalación está situada en Vigo.
Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edificio Administrativo na avenida Fernández Ladreda, nº 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 8 de outubro de 2015
Ignacio Rial Santomé
Xefe territorial de Pontevedra