Visto o expediente para outorgamento das autorizacións administrativas previa e de construción da instalación eléctrica que a seguir se describe:
Solicitante: Unión Fenosa Distribución.
Domicilio social: A Batundeira, 2, 32960 Velle.
Denominación: recuamento da LMT pista Morgade.
Situación: Xinzo de Limia.
Características técnicas:
LMT subterránea a 20 kV, de 15 m de lonxitude e condutor RHZ1 12/20 kV-3×240 AI e con orixe no PAS proxectado na LMT XIN806 e remate no CT 4 situado en Xinzo de Limia.
LMT subterránea a 20 kV, de 15 m de lonxitude con condutor RHZ1 12/20 kV 3×240 AI e orixe no PAS proxectado na LMT XINZ806 e remate no CT 1 do parque empresarial de Xinzo de Limia.
Orzamento: 27.345,35 euros.
Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial, resolve:
Conceder a autorización administrativa previa e a autorización administrativa de construción á devantida instalación, cuxas características se axustarán en todas as súas partes ao proxecto arriba sinalado e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente. Esta autorización outórgase sen perxuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.
Contra a presente resolución poderase interpor recurso de alzada ante o conselleiro de Economía, Emprego e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente ao seu dereito.
Ourense, 8 de outubro de 2015
Alfonso Tomás Paz Doniz
Xefe territorial de Ourense