Para os efectos previstos na Lei 24/2013, do 26 de decembro (BOE núm. 310), do sector eléctrico, e no título VII do Real decreto 1955/2000, do 1 de decembro (BOE núm. 310) polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción da instalación eléctrica que se describe:
Solicitante: E.ON Distribución, S.L.
Domicilio social: Isabel Torres 25, 39011 Santander.
Denominación: ampliación da subestación de Estelo 132 kV, «nova posición de liña 132 kV».
Situación: concello de Mondoñedo.
Características técnicas:
1. Ampliación dunha posición de liña de 132 kV, formada por:
Un seccionador tripolar de illamento de barras.
Un interruptor tripolar.
Tres transformadores de intensidade.
Un seccionador tripolar con posta á terra de liña.
Tres pararraios-autoválvulas.
Tres transformadores de tensión indutivos.
2. Ampliación dunha posición de reserva formada por:
Un seccionador tripolar de illamento de barras.
Todas aquelas persoas ou entidades que se consideren afectadas poderán examinar o proxecto e presentar as súas alegacións nesta xefatura territorial, sita na rolda da Muralla núm. 70, baixo 2, Lugo, no prazo de vinte días a partir do seguinte ao da última publicación desta resolución.
Lugo, 21 de outubro de 2015
Pilar Fernández López
Xefa territorial de Lugo