Unha vez rematado o proceso selectivo para o ingreso no corpo de xestión da Administración da Xunta de Galicia, subgrupo A2, escala técnica de finanzas, convocado pola Orde da Consellería de Facenda do 16 de xullo de 2013 (DOG núm. 140, do 24 de xullo), e realizado o acto de elección de destino provisional previsto na Orde do 8 de outubro de 2015 (DOG núm. 196, do 14 de outubro), esta consellería, de conformidade co disposto na Lei 2/2015, do 29 de abril, do emprego público de Galicia, e demais normas concordantes,

DISPÓN:

Primeiro. Nomear funcionarios/as do corpo de xestión da Administración da Xunta de Galicia, subgrupo A2, escala técnica de finanzas, os/as aspirantes aprobados/as que se relacionan no anexo desta orde, ordenados/as de acordo coa puntuación final obtida, e adxudicarlles como destinos provisionais os que figuran no mesmo anexo, de acordo co acto de elección de destino que tivo lugar o día 19 de outubro de 2015.

Para adquiriren a condición de funcionarios/as, as persoas a que se refire o anexo desta orde deberán cumprir os requisitos exixidos no artigo 60 da Lei 2/2015, do 29 de abril, e tomar posesión do correspondente posto de traballo no prazo dun mes, que comezará a computarse a partir do día seguinte ao da publicación desta orde no Diario Oficial de Galicia.

Segundo. Contra esta orde, que pon fin á vía administrativa, poderase interpoñer, con carácter potestativo, recurso de reposición ante o conselleiro de Facenda no prazo dun mes contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 19 de outubro de 2015

Valeriano Martínez García
Conselleiro de Facenda

Anexo

Núm.	DNI	Apelidos e nome	Posto elixido	Código do posto	Cons.	Denominación	Subgrupo	Nivel	Centro directivo	Centro destino	Concello
1	36172013M	Álvarez Civeira, Noemí	3	FCA291000036001110	FC	Xefatura de equipo	A1/A2	25	Axencia Tributaria de Galicia (servizos periféricos)	Delegación de Pontevedra	Pontevedra
2	80081206J	Martínez Serván, Claudia	5	FCC030003036560010	FC	Xefatura de sección I	A1/A2	25	Intervención Xeral da Comunidade Autónoma	Intervención Territorial de Vigo	Vigo
3	76366414C	Eiroa Fondo, Ana María	1	FCA291000027001076	FC	Xefatura de equipo	A1/A2	25	Axencia Tributaria de Galicia (servizos periféricos)	Delegación de Lugo	Lugo
4	44848859D	Balo Rodríguez, Rubén	4	FCA291000036560226	FC	Subxefatura de unidade de inspección	A2	24	Axencia Tributaria de Galicia (servizos periféricos)	Delegación de Vigo	Vigo
5	34880028E	Canoura Lamelas, Silvia	2	FCA291000027001077	FC	Xefatura de equipo	A1/A2	25	Axencia Tributaria de Galicia (servizos periféricos)	Delegación de Lugo	Lugo