A Consellería do Mar está tramitando o anteproxecto de Lei de acuicultura de Galicia, que ten por obxecto regular a actividade da acuicultura e de todas as actividades directamente relacionadas con esta, no ámbito das competencias da Comunidade Autónoma de Galicia.

En virtude do exposto no artigo 7.4 do Decreto 111/1984, do 25 de maio, polo que se aproba o Regulamento de réxime interior da Xunta de Galicia, modificado polo Decreto 57/1994, do 25 de marzo, e co fin de garantir unha maior participación da cidadanía neste trámite administrativo,

ACORDO:

Someter a información pública o anteproxecto da Lei de acuicultura de Galicia, por un prazo dun mes que se contará desde o día seguinte ao da publicación deste anuncio.

O texto do anteproxecto de lei poderase consultar no seguinte enderezo electrónico:

http://www.medioruralemar.xunta.es/nc/institucional/transparencia/elaboracion_de_disposicions_proxectos_e_actos_administrativos/disposicion/

As persoas interesadas, dentro do prazo sinalado, poderán enviar as súas alegacións preferentemente mediante correo electrónico ao seguinte enderezo:

secretariaxeraltecnica.cmrm@xunta.es ou, alternativamente, mediante a presentación dun escrito dirixido á Secretaría Xeral Técnica da Consellería do Mar, en calquera dos lugares previstos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 15 de outubro de 2015

Mª Isabel Concheiro Rodríguez-Segade
Secretaria xeral técnica da Consellería do Mar