Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Electra Alto Miño, S.A.
Domicilio social: polígono industrial A Chan da Ponte, parcela 19, 36450 Salvaterra de Miño.
Denominación: LMTS de CT04 polígono PPI-6 á LMT Budiño-Ortiz e CS.
Situación: O Porriño.
Características técnicas: LMT subterránea a 20 kV con condutor RHZ1 de 749 metros de lonxitude, con orixe na cela de liña do centro de transformación 4 do PPI-6 e final no CS proxectado. Centro de seccionamento en caseta prefabricada, con tres celas de liña motorizadas, situado no polígono industrial Sur PPI-6, en Vacaría, San Salvador de Budiño (O Porriño).
Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edificio Administrativo na avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 8 de setembro de 2015
Ignacio Rial Santomé
Xefe territorial de Pontevedra