O artigo 11 da Lei 4/2006, do 30 de xuño, de transparencia e boas prácticas na Administración pública galega, impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo único
Darlle publicidade á relación dos convenios subscritos pola Axencia Galega de Infraestruturas (AGI) no segundo cuadrimestre do ano 2015, que se incorpora como anexo a esta resolución.
Santiago de Compostela, 23 de setembro de 2015
Francisco Menéndez Iglesias
Director da Axencia Galega de Infraestruturas
ANEXO
Convenios de colaboración subscritos pola Axencia Galega de Infraestruturas
no segundo cuadrimestre do ano 2015
Convenio |
Importe achegado |
Data da sinatura |
Convenio de colaboración entre a Axencia Galega de Infraestruturas e o Concello de Trabada para a reparación das pontes do Souto 3 e das Lamas. |
60.500 |
8.5.2015 |
Convenio de colaboración entre a Axencia Galega de Infraestruturas e os concellos de Pantón, Nogueira de Ramuín e A Peroxa para a execución de actuacións de mellora da seguridade viaria na contorna dos Peares. |
60.000 |
22.5.2015 |
Convenio da Universidade da Coruña coa Axencia Galega de Infraestruturas para a realización de prácticas externas extracurriculares do estudantado da Escola Técnica Superior de Enxeñeiros de Camiños, Canais e Portos. |
Sen achega económica |
25.5.2015 |
Convenio de colaboración entre a Axencia Galega de Infraestruturas e Unión Fenosa Distribución, S.A., para a realización de actividades de interese xeral. |
Sen achega económica |
28.7.2015 |
Convenio de colaboración entre a Axencia Galega de Infraestruturas e a Federación Gallega de la Construcción para o intercambio de información en materia de contratación pública e do sector da construción civil. |
4.300 |
29.7.2015 |